Qırım boyunca Taqiqat komitetiniñ Baş taqiqat idaresinde deyler ki, Aqmescitte «acele yardım» stantsiyasınıñ eki ekiminiñ öldürüvi boyunca cinaiy işniñ tiaqiqatı çerçivesinde 30-dan ziyade insan sorğuğa çekildi. Bunı idare reberiniñ yardımcısı Yevgeniya Belikova bildirdi, haber ete Rusiye ükümetiniñ «ruporı» «Krıminform» saytı.
«Taqiqat 30-dan ziyade insannı sorğuğa çekti – zarar körgenler, şaatlar, şeklengen şahısnıñ soy-sop ve dostları», – dey o.
Belikovanıñ sözlerine köre, ekspertler silâ aqqında olğan malümatnı tasdiqladılar.
Bildirilgeni kibi, qıdıruv ve yaqalav boyunca tedbirler devam ete.
Cumaertesi künü, sentâbr 26-da, av tüfegi ile silâlanğan erkek Aqmescitte Sevastopolskaya soqağında yerleşken «acele» yardım binasına kirip, hastahaneniñ dört hadimine ateş açtı. Eki hadim elâk oldı. Yaralanğan feldşer bazar kününe keçer gecesi ameliyattan keçti, alı ağır. Ücüm etici vaqia yerinden maşinağa oturıp qaçtı. Birazdan uquq qoruyıcıları bildirgeni kibi, ücüm etken – Aqmescit sakini 1960 senesi doğğan Bekir Nebiyevdir. Qıdıruv alıp barıla.
Qırım boyunca Rusiye Federatsiyasınıñ Taqiqat komitetiniñ baş idaresi Rusiye Cinaiy Kodeksiniñ 105 maddesi 2-nci qısmına binayen cinaiy işni açtı (eki ve ziyade insannıñ öldürilmesi),
Aqmescitte sentâbr 28 künü elâk olğan tibbiyet adamları ile vedalaştılar.
