Qırımtatar halqınıñ temsilcileri Rusiye prezidenti Vladimir Putinniñ BMT Baş assambleyasınıñ çıqışına qarşı aktsiyağa qol tutmağa keldiler. Qırımtatar faaleri Qırımnıñ «azat» olğanını arz etkenlerini bildirdiler.
«Ukraina prezidenti ve Mustafa Cemilevge qol tutmaq içün keldik, Ukraina topraq bütünliginiñ ğayrıdan tiklenmesi oğrunda küreşeler. Ertemi, keçmi, er şey biter, tarihiy adalet tiklenir ve qırımtatarlar öz toprağında raat yaşar», – dedi aktsiya iştirakçisi Ülker Osmanov.
Bu sene BMT halqara teşkilâtnıñ 70 yıllığını qayd ete.
Birleşken Milletler Teşkilâtınıñ er yıllıq toplaşuvına bu afta bir sıra dünya yetekçisi kelecek ola, olarnıñ arasında – papa Rimskiy, Rusiye, Qıtay, İran ve Almaniya yetekçileri. Putin, beklenilgeni kibi, sentâbr 28 künü çıqışta bulunıp, Suriye aqqında ve terrorizmge qarşı küreşte birleşmege kerek olğanı aqqında aytacaq ola.
Bu künleri New-Yorkta faaller Rusiye prezidenti Vladimir Putinniñ siyasetine qarşı numayışlarnı keçire.
