Link açıqlığı

Mujdabayev: Qırım zavodına qadar demiryolnı blok ettiler


ATR telekanalınıñ baş muarririniñ muavini Ayder Mujdabayev sentâbr 28 künü «Qırım maydanınıñ» faalleri Herson vilâyetinden «Krımskiy titan» zavodına qadar demiryolnı blok etkeni aqqında bildirdi.

«Herson vilâyeti Çervonıy Çaban köyü rayonında Firtaşnıñ «Krımskiy titan» zavodına qadar olğan demiryol blok etilgen. Yolda eki büyük beton bloku ve tanklarğa qarşı yapı qoyulğan», – yazdı o Facebookta.

Evel bildirilgeni kibi, «Vadim» stantsiyası tarafından (Herson vilâyeti, Çervonıy Çaban köyü) demiryol boyunca «Krımskiy titan» zavodına malzemeler ketirile edi. İşbu yol boyunca areket blok etilgen. Zavodnıñ şahsiy yaqlaşma yolu ve vagonlarnıñ berilmesi ve memuriy sıñırdan keçirilmesi içün şahsiy treni bar. Endi ise tren işbu yol boyunca keçip olamay.

Sentâbr 20 künü Qırımğa aşayt malları ile qatnağan yük maşinalarınıñ qamaçavı boyunca Qırımtatar Milliy Meclisiniñ aktsiyası başlandı. Aktsiya idare şurasınıñ malümatına köre, memuriy sıñırdan yolcular ve yengil naqliyat maniasız keçecektirler.

XS
SM
MD
LG