Link açıqlığı

Qırımnıñ birinci ve yekâne prezidenti Yuriy Meşkov Qırımnıñ haber qamaçavı aqqında bildire. Onıñ sözlerine köre, böyleliknen Qırım akimiyeti Moskva ve Rusiye uquq qoruyıcılarınıñ öz faaliyetinden diqqatnı almaq istey, şu cümleden Qırımnıñ rusiyeli başı Sergey Aksenovnıñ diplomı ile bağlı meseleden.

Bunı o sentâbr 28 künü Qırım.Aqiqat Radiosı saba efirinde bildirdi.

«Qırımda Polonskiyniñ nazirligi haber qamaçavını teşkil etti. Efiriñiz – buña diqqatnı celp etmek imkâniyettir, birinciden, FSB müdiri Aleksandr Borntikovnıñ, ayrıca, Aksenovnıñ arbiy oquv yurtunıñ bitirilmesi aqta sahte diplomnıñ qullanuvına», -– dedi Meşkov.

Qırımnıñ rusiyeli başı Sergey Aksenovnıñ Aqmescit yuqarı arbiy-ssiyasiy qurucılıq oquv yurtunıñ (SVVPSU) mezunı olğanı aqqında malümat aqiqatqa uymay. Ukraina nazirliginiñ malümatına köre, arhiv vesiqalarınıñ teşkerüvi yapıldı ve neticede belli olğanı kibi, 1993 senesi iyün ayında Aksenovnı terbiyesizligi sebebeinden oquv yurtundan quvdılar.

Sergey Aksenovnıñ özü arbiy oquv yurtundan quvulğanını ne tasdiqladı, ne red etti. Onıñ SVVPSU diplomı barmı degen sualge Qırımnıñ rusiyeli başınıñ matbuat hızmeti onıñ resmiy saytında olğan tercimeialı ile tanış olmağa teklif etti.

Aksenovnıñ saytında aşkâr etilgen tercimeialında aytılğanı kibi, o 1993 senesi Aqmescit yuqarı arbiy-siyasiy qurucılıq oquv yurtunı bitirdi.

XS
SM
MD
LG