Ukraina prezidenti Petro Poroşenko, New-Yorkta sentâbr 27 künü BMT Baş assambleyasınıñ sammitinde çıqışta bulunıp, Rusiye istilâsı ve Qırım işğali neticesinde olğan qurbanlar aqqında tarif etti.
«Rusiyeniñ ukrain Qırımınıñ işğali ve Donbasstaki istilâsı neticesinde biñlerce insan öldürildi», – dedi o.
«Arbiy istilâ bitmesi, sulhniñ qaytarılması ve Ukrainanıñ Donbass ve Qırım üzerinde nezaretiniñ qaytarılmasından soñ millionlarce insanğa normal ayatqa qaytmağa yardım etmek kere olacaq», – dedi Poroşenko.
Ukraina Yuqarı Şurası 2014 senesi fevral 20 kününi Qırımnıñ muvaqqat işğaliniñ başlanuv tarihı olaraq ilân etti.
