Link açıqlığı

Saatnıñ esas haberi

Çubarov Qırım qamaçavınıñ ilk neticeleri aqqında: afta içinde bir yük maşinası bile keçmedi


Afta devamında Qırım ile memuriy sıñırdan bir yük maşinası bile keçmedi, dedi «112 Ukraina» telekanalında halq deputatı, Qırımtatar Milliy Meclisiniñ reisi Refat Çubarov, Qırımnıñ «vatandaşlıq» qamaçavına yekün çekip.

«Afta devamında Ukrainanıñ memuriy sıñırından bir yük maşinası bile keçmedi», – dedi o.

Çubarovnıñ sözlerine köre, qaynaqlarnıñ malümatına binayen, qamaçav devamında «işğalci akimiyet vekillerine kâr ketirgen elastı aqımı tükendi».

Sentâbr 20 künü Qırımğa aşayt malları ile qatnağan yük maşinalarınıñ qamaçavı boyunca Qırımtatar Milliy Meclisiniñ aktsiyası başlandı. Aktsiya idare şurasınıñ malümatına köre, memuriy sıñırdan yolcular ve yengil naqliyat maniasız keçecektirler.

Qamaçav teşebbüsçileri degeni kibi, ukrain şirketleri Qırım ile ticariy munasebetni toqtatmaq kerek, çünki yarımada territoriyası Rusiye Federatsiyası tarafından işğal etilgen. Teşkilâtçılarnıñ malümatına köre, olarnıñ talapları yerine ketirilmegence, qamaçavnı toqtatmaycaqlar, yani siyasiy mabüslerniñ azat etilmesi, mustaqil matbuat vastalarına basqı kösterilmemesi, yarımadağa halqara nezaretçilerniñ kelmesi, qırımtatarlarğa qarşı areketlerniñ toqtatılması ve ilâhre.

Qırımnıñ rusiyeli akimiyeti böyle areketlerni takbih ete, amma yarımada sakinleri «erzaq qamaçavı»nıñ aqibetlerini duymaz, dep tüşüne.

XS
SM
MD
LG