Link açıqlığı

Avropa parlamentiniñ deputatları Qırım qamaçavı aqqında: cemaatçılıqnıñ çorlanuvı añlayışıla


Avropa parlamentiniñ halqara ticaret boyunca komitetinde cemaatçılıqnıñ çorlanuvı ve Qırım qamaçavını añlamağa mümkün olğanını tüşüneler.

«Cemaatçılıqnıñ işbe vaziyetteki çorlanuvını añlamağa mümkün. Qırım işğaliden sebep bayağı insan, hususan qırımtatarı köçip keldi. Amma, fikrimce, devamlı al etüv uquq alanındadır. Ukrain ükümeti bütün olğan yollarnı qullanmalı – BMT, uquqiy baqış ve fikirler, ve, niayet, BMT Başassambleyası çerçivesinde ketişatka başlamaq. Onıñ vastası ile BMT Halqara mahemesine muracaat etmek ve bu sualge izaat almaq. Qırım, ne ise, bir kün Ukrainağa qaytsın dep», – dedi komitetniñ azası Gabriyelius Landsbergis.

Sentâbr 20 künü Qırımğa aşayt malları ile qatnağan yük maşinalarınıñ qamaçavı boyunca Qırımtatar Milliy Meclisiniñ aktsiyası başlandı. Aktsiya idare şurasınıñ malümatına köre, memuriy sıñırdan yolcular ve yengil naqliyat maniasız keçecektirler.

Qamaçav teşebbüsçileri degeni kibi, ukrain şirketleri Qırım ile ticariy munasebetni toqtatmaq kerek, çünki yarımada territoriyası Rusiye Federatsiyası tarafından işğal etilgen. Teşkilâtçılarnıñ malümatına köre, olarnıñ talapları yerine ketirilmegence, qamaçavnı toqtatmaycaqlar, yani siyasiy mabüslerniñ azat etilmesi, mustaqil matbuat vastalarına basqı kösterilmemesi, yarımadağa halqara nezaretçilerniñ kelmesi, qırımtatarlarğa qarşı areketlerniñ toqtatılması ve ilâhre.

Qırımnıñ rusiyeli akimiyeti böyle areketlerni takbih ete, amma yarımada sakinleri «erzaq qamaçavı»nıñ aqibetlerini duymaz, dep tüşüne.

XS
SM
MD
LG