Qırımnıñ Qarasuvbazar rayonında eki ay içinde ilk sefer küçlü yağmur yağdı. Qırım.Aqiqat mühbiri bildirgeni kibi, yerli sakinler bu sebepten quvanıp yetiştirmedi, çünki sağanaq burçaq ile bostan ve bağçalarına büyük zarar ketirdi.
Eki aylıq qurğaqlıq rayonda bütün tarlalarnı quruttı. Qarasuvbazar suv anbarı da bayağı quruğan edi. Köylüler deyler ki, sığırları otlaqlardan aç qayta, çünki ot tamamınen yanğandır.
Regionda yanğın havfı da arttı. Onıñ içün yağmur bu problemlerden qurtarır edi.
Yerli sakinler yağmurdan ava arareti de biraz tüşer dep ümüt eteler. Çünki bundan evel eki afta devamında ava arareti sıfırdan yuqarı 30 dereceni teşkil ete edi.
