Link açıqlığı

Cemaat teşkilâtları Qırımnıñ azat etilmesi aqta maqale yarışını ilân ettiler


«Qırım» siyasiy analiz ve tahmin etüv merkezi», Qırımtatar halqınıñ aq-uquqlarını qorçalav komiteti, «Ukrain evi» cemaat teşkilâtı, ve başqaları «Qara deñiz regionında havfsızlıq çerçivesinde Qırımnıñ azat etilmesi ve Ukrainağa qaytarılmasınıñ strategiyası» mevzusında ilmiy maqale yarışını ilân ettiler.

Bu aqta Kiyevde matbuat konferentsiyası devamında «Qırım» siyasiy analiz ve tahmin etüv merkezi»niñ reisi Eskender Bariyev bildirdi, haber ete Qırım.Aqiqat.

Onıñ sözlerine köre, maqaleler 2-15 senesi oktâbr 2- kününe qadar qabul etilecek.

Bariyev Qırım.Aqiqatqa aytqanı kibi, üç eñ eyi maqale müellifi para mukâfatını elde etecekler. «Birinci yer içün – 2,5 biñ grivna, 2 – 2 biñ, 3 – 1,5 biñ grivna. Bundan da ğayrı, eñ eyi maqalelerniñ müellifleri noyabr ayı İstanbulda keçirilecek Qara deñiz regionınıñ havfsızlığı boyunca konferentsiyada iştirak еtecek», – dey Bariyev.

O şunı da qayd etti ki, işitarkçilerniñ maqalelelri bir nizamğa ketirilip, ayrı risale şeklinde derc olunacaq.

Yarış teşkilâtçıları ümüt eteler ki, bu işler Ukrainanıñ Qırımnıñ qaytarılması boyunca devlet siyasetiniñ temeli olur.

Bariyev yarış teşkilâtçıları arasında – Qırımtatar Milliy Meclisiniñ reisi Refat Çubarov olğanını bildirdi.

Bariyev dey ki, yarış komissiyası oktâbr 20-ne qadar teşkil etilecek. Komissiya erkânına Strategik taqiqatlar institutınıñ mütehassısları ve Ukrainanıñ diger ilmiy müessiseleriniñ ekspertleri kirecek.

XS
SM
MD
LG