Şimdiki akimiyet sentâbr 25 künü ilân etken Cuma Cami quruculığı Rusiye bayrağı altında, metallodetektorlar ile ve ATR telekanalı hadiminiñ yaqalunvından başlandı, haber ete Qırım.Aqiqat.
Tedbirniñ başlanuvını bir saatke keçiktirdiler, etrafta metallodetektorlarnı qoydılar, politsiya çantalarnı teşkere edi.
Yerli sakinler bütün bundan öz açuvını gizlemey edi: «Biz terroristmiz yoqsa, bizni öyle teşkereler».
Tedbirde ATR qırımtatar telekanalınıñ operatorını yaqaladılar. Qırım.Aqiqatqa belli olğanı kibi, onı politsiya rayon bölügine alıp kettiler ve biraz tutıp, serbest bıraqtılar. Telekanalda bu vaqianı tasdiqlaylar, amma izaatlarnı bermeyler.
Uquq qoruyıcılarnıñ da resmiy izaatları yoq.
Qırımnıñ Rusiye akimiyeti ve Müftiyatı sentâbr 25 künü Aqmescitte Cuma Caminiñ qurucılığı başlağanı aqqında bildire, onı üç yıl içinde qurmaq niyetindeler, haber ete Qırım.Aqiqat mühbiri.
