Link açıqlığı

Ukrain rejissörı Kseniya Cornonıñ «Qırım» vesiqlı filmini Birlişken Arap Emiratları paytahtında Abu-Dabide kösterecekler.

Facebookta «Qırım aqqında ve ilâhre» gruppası bildirgeni kibi, film oktâbr 3 künü kösterilecek.

«Qırımtatar halqı ile bugün ne olğanına baqmadan, insanlar yaşamağa devam ete, ümüt, işanç ve sevgi ile ailelerni quralar. Amma olar iç bir vaqıt öz keçmişini unutmay!» – denile beyanatta.

Rejissör Kseniya Corno aytqanı kibi, filmde qırımtatarlarnıñ üç nesili kösterile – 70 yıl evelsi sürgünlikni yaşağan, avdet olğan ve Qırımda doğğanlar.

2015 senesi mayıs 18 künü «Qırım» vesiqalı filmni Short Film Corner leyhası çerçivesinde Cannes şeerinde taqdim ettiler.

«Qırım» filmi Bronze Remi Award halqara mukâfatını qazandı.

Kseniya Corno – Ukraina vatandaşı, Birleşken Arap Emiratlarında çalışa.

XS
SM
MD
LG