Saudiy Arabistanda acılıq vaqtındaki sıquv neticesinde elâk olğan insanlarnıñ sayısı 717 insan oldı, 805 – yaralandı, dep bildire memleket akimiyeti.
Sıquv Mekke yanındaki Mina muqaddes vadiyinde yüz derdi. Mında dünya musulmanları acılıqqa kele.
Memleket akimiyeti bildirgeni kibi, qurtaruv ameliyatı devam ete. Facia Qurban bayram künü yüz berdi.
Saudiy Arabistanda bu ay içinde endi yüz bergen ekinci faciadır. Sentâbr 11 künü 111 mümin Mekkede camige qurucılıq kranı tüşmesinden elâk oldı.
Acılıq ibadeti – islâm dininiñ beş farzlarından biridir. Er bir musulman acılıq ibadetini yerine ketirmeli.
