Ukraina prezidenti Petro Poroşenko ukrain musulmanlarını diniy bayramları – Qurban bayram ile hayırladı. Devlet başı bu bayramnı «meramet ve eyilik qıymetleri etrafında birleştirgen kün» olaraq adladı.
«Bugün Ukraina musulmanları vatanperverlik, vatandaşlıq mevamını köstere, memleket mustaqilligi, serbestlik ve aqiqat oğrunda küreşeyü Rusiye istilâcısınıñ areketlerine ukrainler cesürlik, yaqınlarına sevgi ile cevap bereler», – dey prezident Poroşenko.
Qırımtatarlarnıñ yetekçileri – Mustafa Cemilev ve Refat Çubarov bu sene, bıltır olğanı kibi, yarımada işğalinden ve Rusiye akimiyetiniñ Qırımğa kirmek yasağından sebep, Qurban bayramnı Kiyevde qayd etecekler. Olar bayram munasebeti ile cemaat namazına qoşulacaqlar. 24-de, bayram namazı saat 7:15 başlandı. Aqmescitte ibadet, adet üzre, Zenaat birligi medeniyet evinde keçti. Bugün bayram hutbesi ve namazını Qırım musulmanlarınıñ diniy yetekçisi hacı Emirali Ablayev keçirgen edi.
Qurban bayram – Oraza bayramdan 70 kün keçkeninden soñ qayd etilgen musulman bayramıdır.
