Qırımtatar Milliy Meclisiniñ reisi Refat Çubarov ve Ukraina prezidentiniñ qırımtatarlarnıñ işlerinden vekâletlisi Mustafa Cemilev Qurban bayram munasebeti ile Kiyevde cemaat namazına qoşulacaq. Bu aqta olar Qırım.Aqiqat mühbirine bildirdiler.
«Yarın Degtârevskayada (bu adres boyunca Kiyevde Al-Raid Bütünukrain islâm medeniy merkezi yerleşe) namazda olacam, soñra dostlarımnen qave içerim, saat 11:00 iş künüm başlanacaq», – dedi Çubarov.
Cemilev de İslâm medeniy merkezinde bayram namazını qılmağa planlaştıra. «Namazgğa Al-Raidge baracaq olam», – dedi o.
Bundan bir qaç kün devamında Cemilev ve Çubarov Qırım qamaçavında iştirak etken ediler.
Çubarovnıñ aytqanı kibi, Nazirler kabineti tarafından tasdiqlanılğan Qırım ile memuriy sıñırdan keçüv nizamına binayen, qıtadan Qırımğa Qurban bayramnı qayd etmek içün beş ecnebiy vatandaş kelgendir – qavmiy qırımtatarları.
«Beşi Herson migratsion hızmetiniñ bölüginde kiriş iznini aldı», – dedi Meclis reisi.
Qurban bayram – musulman bayramıdır, Qırımda regional bayram olaraq tanıla ve raatlıq künü sayla. Bu sene bayram sentâbr 24-27 künleri qayd etile.
