Link açıqlığı

Moskvada çarşenbe künü, 10 yıllıq tamir işlerinden soñ Cuma Cami açıldı.

Açılış tedbiriniñ iştirakçileri arasında – Rusiye prezidenti Vladimir Putin, Türkiye ve Qazahistan prezidentleri Recep Erdoğan ve Nursultan Nazarbayev, Filistin cumhuriyetiniñ başı Mahmud Abbas ve musulman memleketlerinden kelgen diger siyasetçiler buluna.

Moskva işbu adiseni dinlerara Rusiyeniñ ğayrıdan canlanmasını temsil etken tarihiy vaqia olaraq köstere.

Moskva Cuma Camisi 1904 senesi tatar iş adamınıñ parasına qurulğan edi. Onı 2005 senesi tamir etmege başladılar. Böylece caminiñ meydanı 20 qat arttı. Yañı cami 10 biñ kişini sığdıracaq. Qurucılıq işlerine 170 million dollar sarf etildi. İşbu paranıñ büyük qısmını iş adamı Suleyman Kerimovnıñ ianesi, Türkiye Cumhuriyetinden kelgen para ve «Filistin balalarından» 25 biñ dollarnı bergen Mahmud Abbasnıñ yardımı teşkil etti. Mında 6 qat, 20 biñ metr kâre bar. Camide islamnıñ zemaneviy müzeyi de açılacaq. Umumen Moskvada, Cuma Caminen beraber, resmiy şekilde qayd etilgen beş cami bar.

İslâm – Rusiyede, müminlerniñ sayısına köre, ekinci din olaraq sayıla. Çeşit malümatlarğa köre, 15-23 Rusiye vatandaşı – musulmandır.

XS
SM
MD
LG