Link açıqlığı

Saatnıñ esas haberi

«Çonğardaki Qırım maydanına» cevap «аntimaydan» ola bile – Bogutskaya


Qırım blogeri, cemaatçı Yelizaveta Bogutskaya qıtaiy Ukrainadan Qırımğa mal ketirilmesiniñ qamaçavına cevap – «antimaydan» olacağından saqına. Bu kibi fikirni o Qırım.Aqiqatqa bildirdi.

«Aktsiyamıznı «Qırım maydanı» olaraq adladıq. Ve mında Qırım «antimaydanı» toplana bile. Yani, adiy vatandaşlar memuriy sıñırnı keçe, mında ise bayraqlar ile çıqıp, yük maşinalarınıñ Qırımğa kirsetilmesini talap ete bileler. Böyleliknen, olarnıñ vatandaşlıq qarşılığı artıq dostane olamaz», – dedi o.

Bogutskaya şunı da qayd etti ki, «Qırım maydanına» nasıldır bir qarşılıq memleket içerisinde de ola bile, çünki «оligarhlar kârnıñ coymasına qarşı çıqacaq».

«Maqsat – Qırımnıñ Ukrainağa qaytarılması. Er şey kete-kete, adım-adım etile. Yevromaydan başlağanda, Pşonka, Yanukoviçni quvamaq kibi maqsat yoq edi. İnsanlar akimiyet areketleri ile razı olmağanını köstermek içün keldiler. Biz da razı olmağanımıznı köstermek içün keldik, fikrimiz bar, oña diqqat etmek kerek», – dey Bogutskaya.

Sentâbr 20 künü Qırımğa aşayt malları ile qatnağan yük maşinalarınıñ qamaçavı boyunca Qırımtatar Milliy Meclisiniñ aktsiyası başlandı. Aktsiya idare şurasınıñ malümatına köre, memuriy sıñırdan yolcular ve yengil naqliyat maniasız keçecektirler.

Qamaçav teşebbüsçileri degeni kibi, ukrain şirketleri Qırım ile ticariy munasebetni toqtatmaq kerek, çünki yarımada territoriyası Rusiye Federatsiyası tarafından işğal etilgen. Teşkilâtçılarnıñ malümatına köre, olarnıñ talapları yerine ketirilmegence, qamaçavnı toqtatmaycaqlar, yani siyasiy mabüslerniñ azat etilmesi, mustaqil matbuat vastalarına basqı kösterilmemesi, yarımadağa halqara nezaretçilerniñ kelmesi, qırımtatarlarğa qarşı areketlerniñ toqtatılması ve ilâhre.

Qırımnıñ rusiyeli akimiyeti böyle areketlerni takbih ete, amma yarımada sakinleri «erzaq qamaçavı»nıñ aqibetlerini duymaz, dep tüşüne.

XS
SM
MD
LG