Link açıqlığı

Qırım qamaçavınıñ nevbetteki basamağı – Qırımğa elektrik energiyası berilmesiniñ toqtatıluvı ola bile. Bunı «5 kanal» efirinde Qırımtatar Milliy Meclisiniñ reisi Refat Çubarov bildirdi.

«Aktsiyanıñ nevbetteki basamağında – elektrik energiyasınıñ berilmesini toqtatmaq kerek olğanını tüşünemiz, amma, daima aytqanım kibi, bu oktâbrde olacaqtır, menimce», – dedi o.

Çubarov daa aytqanı kibi, aktsiya iştirakçileri yük maşinalarınıñ aydavcılarını Qırım ile memuriy sıñırdan keri qaytmağa çağırlar. «Aydavcılarnı qandıramız, Qırımnıñ cemaat qamaçavınıñ sebeplerini añlasalar da, şorbacılarından qarar bekleyler», – dedi Mecis reisi.

Qırımtatarlarnıñ yetekçisi Mustafa Cemilev Qırım.Aqiqatqa aytqanı kibi, Qırımğa qıtaiy Ukrainadan elektrik energiyasınıñ berilmemesi aqta mesele yaqın zamanda ukrain ükümetinde köterilecek.

Mustafa Cemilevniñ sözlerine köre, şimdi ukrain akimiyetiniñ Qırımnı elektrik energiyası ile teminlemege sebebi bar.

XS
SM
MD
LG