Aqmescitniñ rusiyeli akimiyeti tüşüngeni kibi, şeerde Herson vilâyetinde Qırım ile memuriy sıñırda sentâbr 20 künü başlanğan Qırımnıñ «erzaq qamaçavı»ndan fiyatlarnıñ köterilmesine sebep yoq.
Bu aqta Aqmedsсitniñ rusiyeli şeer memuriyetiniñ matbuat hızmeti bildire.
«Bu vaqia şunı añlata ki, yani Ukraina akimiyetinde bu kibi areketlerni etken insanlar bar olğance, iç bir stabil ya da ortaq munasebetler aqqında laf yürsetmege acet yoq. Qomşu devlet akimiyetiniñ adımları Qırımnıñ Rusiye diger regionları ile munasebetleriniñ pekitilmesine imkân yarata», – dep bildire Aqmescit memuriyetiniñ başı Gennadiy Baharevniñ sözlerini matbuat hızmeti.
O dey ki, Qırım ve Aqyarda «erzaqnıñ büyük yedegi bar» ve Hersonda qamaçav ile bağlı aktsiyanıñ yaqın kelecekte toqtatılacağını tüşüne.
Jurnalist, iqtisadiy ekspert Andrey Yanitskiy dey ki, Qırımda fiyatlar daa yarımadanıñ sentâbr 20 künü Herson vilâyeti tarafından başlanğan «erzaq qamaçavından» evel paalılaşqanını bildire. Onıñ fikrine köre, ticaret yañı şaraitlerde bile zenginleşmek imkâniyetini qaçırmaz.
