Link açıqlığı

Yük maşinalırınıñ aydavcıları Herson vilâyetinde Qırım ile memuriy sıñırdaki kiriş noqtalarını terk ete, mında şimdi qırımtatarlarnıñ yetekçileri tarafından azırlanğan vatandaşlıq qamaçavı keçe, haber ete Qırım.Aqiqat mühbiri.

Şu cümleden, «Çaplinkada» yük maşinalarınıñ sayısı yüzge qadar eksildi, «Kalançak»ta, saat 12-ge, bir 50 maşna qaldı, diger aydavcılar gece ve salı künü aqşam yükleri ile qıtaiy Ukrainağa qaytmağa qarar aldılar. «Çonğar» kiriş noqtasında yük maşinalar yoq.

Kiriş noqtalarında gece ve salı künü saba vaziyet sakin, dedi Qırım.Aqiqat mühbirine Ukraina devlet sıñır hızmetiniñ matbuat kâtibi Oleg Slobodân.

Sentâbr 20 künü Qırımğa aşayt malları ile qatnağan yük maşinalarınıñ qamaçavı boyunca Qırımtatar Milliy Meclisiniñ aktsiyası başlandı. Aktsiya idare şurasınıñ malümatına köre, memuriy sıñırdan yolcular ve yengil naqliyat maniasız keçecektirler.

Qamaçav teşebbüsçileri degeni kibi, ukrain şirketleri Qırım ile ticariy munasebetni toqtatmaq kerek, çünki yarımada territoriyası Rusiye Federatsiyası tarafından işğal etilgen. Qırımnıñ rusiyeli akimiyeti böyle areketlerni takbih ete, amma yarımada sakinleri «erzaq qamaçavı»nıñ aqibetlerini duymaz, dep tüşüne.

XS
SM
MD
LG