Link açıqlığı

Saatnıñ esas haberi

Qırım.Aqiqat radiosını Ukraina Nazirler kabinetinde taqdim ettiler


Ukraina haber siyaseti nazirligi Qırım.Aqiqat radiosı – Radio Svoboda ve Ukrainske radio Birinci kanalınıñ umumiy leyhasını taqdim etti. Onı Qırımda diñlemege mümkün.

«Bugün Radio Svobodanıñ ukrain muarririyeti, radio yayınlavı, qırımlılar içün tarihiy bir kün. Yañı çağıruv. Radio Svoboda Ukrainada endi 61 yıl çalışa ve zenaatdaşlarımız Stalinniñ ölüminden soñ öz birinci efirini nasıl etip başlağanları aqlıma keldi. Olar: «Qıymetli ağa-qardaşlаrımız, iç bir Demir örtüsi bizni ayırmaz», degen ediler. Ebet, bugün Qırım ve qıtaiy Ukraina arasında haber divarınıñ olmasını istemeymiz», – dedi Radio Svoboda ukrain muarririyetiniñ müdiri Maryana Draç.

İlk sefer Qırım.Aqiqat radiosı – Radio Svoboda ve Ukrainske radio Birinci kanalınıñ umumiy leyhası sentâbr 21 künü saat 8:35 efirge çıqtı.

Radio leyhasını Qırımda iş künleri saat 8:35 ve 18:30 orta dalğalarda 549kGts sıqlığında diñlemege mümkün. Efirge telefon etmege imkân bar: (044) 490-29-05.

«Berici Ukraina cenübinde tura. Signalnı yarımadanıñ cenübiy yalısından ğayrı, Qırımnıñ er bir köşesinde tutmaq mümkün. Amma bizni Aluşta, Aqmescit, Büyük Onlarda diñlegenler de bar eken. Taqip etecekmiz», – dedi Radio Svobodanıñ «Qırım.Aqiqat» leyhasınıñ reberi Vladimir Pritula.

Onıñ aytqanı kibi, oktâbr 3-den Qırım.Aqiqat radiosınıñ efirinde «Krımskiy parmezan» programması çıqacaq. Alıp barıcıları: Aleksandr Yankovskiy, Pavel Kazarin ve Sevgil Musayeva-Borovik.

2014 senesi mart ayında Radio Svobodanıñ Ukrain muarririyeti malümatnı ukrain, rus ve qırımtatar tilinde aşkâr etken Qırım.Aqiqat saytını işlep çıqardı. İyül ayında muarriyerit taqımı «Qırım.Aqiqat» telefizion programmasını azırlay. İşbu programmanıñ radio versiyası orta dalğalarda yanğıray, sentâbr ayından Qırım.Aqiqat radiosı işlemege başladı.

XS
SM
MD
LG