Link açıqlığı

Ekspert Qırımda qamaçav şaraitlerinde fiyatlar aqqında: satıcılar zenginleşmek fırsatını qaçırmaz


Jurnalist, iqtisadiy ekspert Andrey Yanitskiy dey ki, Qırımda fiyatlar daa yarımadanıñ sentâbr 20 künü Herson vilâyeti tarafından başlanğan «erzaq qamaçavından» evel paalılaşqanını bildire. Onıñ fikrine köre, ticaret yañı şaraitlerde bile zenginleşmek imkâniyetini qaçırmaz.

Bunı o sentâbr 22 künü Qırım.Aqiqat radiosınıñ efirinde bildirdi.

«Fiyatlar daa qamaçavdan evel paalılaştı, çünki satıcılar içün fiyatlarnı kötermek güzel bir manaçıq edi. Bilemiz ki, iş adamı iç bir vaqıt mal fiyatını kötermek fırsatını qaçırmaz», – dey o.

Sentâbr 20 künü Qırımğa aşayt malları ile qatnağan yük maşinalarınıñ qamaçavı boyunca Qırımtatar Milliy Meclisiniñ aktsiyası başlandı. Aktsiya idare şurasınıñ malümatına köre, memuriy sıñırdan yolcular ve yengil naqliyat maniasız keçecektirler.

Qamaçav teşebbüsçileri degeni kibi, ukrain şirketleri Qırım ile ticariy munasebetni toqtatmaq kerek, çünki yarımada territoriyası Rusiye Federatsiyası tarafından işğal etilgen. Qırımnıñ rusiyeli akimiyeti böyle areketlerni takbih ete, amma yarımada sakinleri «erzaq qamaçavı»nıñ aqibetlerini duymaz, dep tüşüne.

XS
SM
MD
LG