Link açıqlığı

Herson vilâyetinde «Çonğar» nezaret-kiriş noqtası rayonında Qırımnıñ «erzaq qamaçavı»na destek kontserti keçirile.

Bunı Qırım.Aqiqat mühbiri bildire.

Ukrain yırcıları, sanaat erbapları çıqışta buluna. Böyleliknen. Sanağa Elzara Batalova, belli muzıkant Cemil Karikov çıqa. Qırımtatar aktörı ve rejissörı Ahtem Seytablayev toplanğanlar ögünde Qırım jurnalisti Lilâ Bucurovanıñ şiirini oqudı. Kontsertten fotolarnı Facebookta ATR qırımtatar telekanalınıñ müdir muavini Ayder Mujdabayev aşkâr etti.

Sentâbr 20 künü Qırımğa aşayt malları ile qatnağan yük maşinalarınıñ qamaçavı boyunca Qırımtatar Milliy Meclisiniñ aktsiyası başlandı. Aktsiya idare şurasınıñ malümatına köre, memuriy sıñırdan yolcular ve yengil naqliyat maniasız keçecektirler.

Qamaçav teşebbüsçileri degeni kibi, ukrain şirketleri Qırım ile ticariy munasebetni toqtatmaq kerek, çünki yarımada territoriyası Rusiye Federatsiyası tarafından işğal etilgen. Teşkilâtçılarnıñ malümatına köre, olarnıñ talapları yerine ketirilmegence, qamaçavnı toqtatmaycaqlar, yani siyasiy mabüslerniñ azat etilmesi, mustaqil matbuat vastalarına basqı kösterilmemesi, yarımadağa halqara nezaretçilerniñ kelmesi, qırımtatarlarğa qarşı areketlerniñ toqtatılması ve ilâhre.

Qırımnıñ rusiyeli akimiyeti böyle areketlerni takbih ete, amma yarımada sakinleri «erzaq qamaçavı»nıñ aqibetlerini duymaz, dep tüşüne.

XS
SM
MD
LG