Link açıqlığı

Aqmescitte Cuma Caminiñ qurucılığı sentâbr 25 kününe planlaştırılğan, Qurban bayramnıñ ekinci künü. Bu aqta Qırım musulmanları diniy idaresi bildire.

«Sentâbr 25 künü, Qurban bayramnıñ ekinci künü, Aqmescitte Cuma Caminiñ qurucılığınıñ başlanuvı ile bağlı tedbir keçirilecek. Tedbir Yaltinskaya, 22 adresi boyunca keçirilecek. Başlanuvı saat 10-ğa planlaştırıla», – denile beyanatta.

Al-azırda qurucılıq olacaq yerde isarlarnı yerleştireler, zaruriy qurucılıq aletlerni ketireler.

Sentâbr 17 künü, Aqmescitte Cuma caminiñ qurucılığına ayırılğan Yaltinskaya soqağı, 22 adresi boyunca topraq damartısında Qırımda esas musulman ibadethanesiniñ quruluvı içün territoriyanı azırlamağa başladılar.

2011 senesi Qırımda Vasiliy Cartı baş nazir olğan vaqıtta Aqmescitte Yaltinskaya soqağı, 22 adresi boyunca Cami-Caminiñ qurucılığına kapsula qoyğan ediler.

XS
SM
MD
LG