Link açıqlığı

«Çonğar»da Qırım tarafından bir yük maşinası bile yoq


«Çonğar» kiriş noqtası ögünde, Qırım yarımadası tarafından, al-azırda iç bir yük naqliyatı yoq.

Qırım.Aqiqat mühbiri bildirgeni kibi, evel yük maşinaları çoq olğan qısımda, yalıñız yengil maşinalar ve avtobuslar tura.

Bunıñ ile qıtaiy Ukraina tarafından ja «Çonğar» kiriş noqtasında yük maşinalar da yoq.

Qırımda Rusiye FSB sıñır idaresi bildirgeni kibi, Herson vilâyeti tarafından alıp barılğan «mal qamaçavı»na baqmadan, kiriş noqtaları «daimiy sürette» çalışmağa devam ete.

Sentâbr 20 künü Qırımğa aşayt malları ile qatnağan yük maşinalarınıñ qamaçavı boyunca Qırımtatar Milliy Meclisiniñ aktsiyası başlandı. Aktsiya idare şurasınıñ malümatına köre, memuriy sıñırdan yolcular ve yengil naqliyat maniasız keçecektirler.

Qamaçav teşebbüsçileri degeni kibi, ukrain şirketleri Qırım ile ticariy munasebetni toqtatmaq kerek, çünki yarımada territoriyası Rusiye Federatsiyası tarafından işğal etilgen. Teşkilâtçılarnıñ malümatına köre, olarnıñ talapları yerine ketirilmegence, qamaçavnı toqtatmaycaqlar, yani siyasiy mabüslerniñ azat etilmesi, mustaqil matbuat vastalarına basqı kösterilmemesi, yarımadağa halqara nezaretçilerniñ kelmesi, qırımtatarlarğa qarşı areketlerniñ toqtatılması ve ilâhre.

Qırımnıñ rusiyeli akimiyeti böyle areketlerni takbih ete, amma yarımada sakinleri «erzaq qamaçavı»nıñ aqibetlerini duymaz, dep tüşüne.

XS
SM
MD
LG