Qırımda Eski Qırımnıñ tasil-maarif merkezinde yañı oquv yılı başlandı. Mında İslâm esasları ve Quran oquvı kursları çerçivesinde bala ve qadınlar içün derslerni teşkil ettiler.
Qırım musulmanları diniy idaresiniñ matbuat hızmeti bildirgeni kibi, sentâbr 19 künü birinci derske 12 bala ve 8 qadın keldi.
«Ocalar talebeler ile tanıştı, olarnı arap elifbesiniñ ariflerine ögrettiler, balalar ile birinci oquv oyunlarını keçirdiler, qadınlarğa olarnıñ İslâmdaki rolü aqqında tarif ettiler», – denile beyanatta.
Qırım musulmanları diniy idaresiniñ matbuat hızmetinde bildirilgeni kibi, dersler er cumaertesi künü keçirilecek.
Sentâbr 13 künü Qırım ve Aqyar musulmanları diniy idaresi yanında Kebir camisinde qadınlar içün İslâm ve Quran oquv kursları açıldı. Birinci derske 10 qadın qoşuldı, eñ büyügi 85 yaşında
