İş adamı, ATR qırımtatar telekanalınıñ saibi Lenur İslâmov işğal etilgen Qırım ile alış-veriş yapmağa mümkün olmağanını tüşüne.
Bunı o sentâbr 18 künü Qırım qamaçavı boyunca teşkiliy komitetiniñ toplaşuvında bildirdi, haber ete Qırım.Aqiqat mühbiri.
«Qırım ile ticaret biz içün – namus meselesi, alış-veriş olamaz. Qanda ticaretnen oğraşmağa yeter artıq. Soñunace turacaqmız… Qırım maydanı», – dey o.
Teşkiliy şuranıñ toplaşuvında aktsiya keçirilmesi içün yer ayırmağa qarar aldılar. Anda çadırlar qoyulacaq, elektrik energiyası keçirilecek, cıyıştıruv ve çöplükniñ çıqariluvı teşkil etilecek ve ilâhre.
Herson militsiyası işğal etilgen Qırımğa yük maşinalarınıñ kirişini blok etecek faaller içün çadır ve keneflerni qoyacaq.
Qırımtatarlar sentâbr 20 künü, üylede, Rusiye tarafından işğal etilgen Qırımğa mahsulatnı ketirgen yük maşinalarınıñ areketini blok etecek olalar.
