Link açıqlığı

Herson vilâyetinde yañı regional meclisniñ başını sayladılar, maqsadı – Qırımnı qaytarmaq


Cuma künü, sentâbr 18-de, Herson vilâyeti Geniçeskte konferentsiya keçirildi, onıñ devamında yerli meclis azaları gizli rey berüv ile Qırımtatar Milliy Herson regional meclisiniñ başını sayladılar, haber ete Qırım.Aqiqat mühbiri.

Konferentsiya Qırımtatar Milliy Meclisiniñ başı Refat Çubarovnıñ, Qurultaynıñ Merkeziy Saylav komissiyasınıñ reisi Zair Smedlâyev, Qurultay teftiş komissiyasınıñ başı Ali Оzebaşnıñ iştiraki ile keçti.

Tedbirni Geniçesk rayon devlet memuriyetiniñ başı Aleksandr Vorobyev, onıñ muavini Gülnar Bekirova, ОSCE eyyetiniñ temsilcileri, jurnalistler ziyaret etti.

Rey berüvge eki namzet kösterildi – evel bu vazifeni eda etken Asan Aliyev ve Lenur Lümanov. Namzetler toplanğanlar ögünde çıqışta bulunıp, öz mevamlarını bildirdiler. Gizli rey berüvden soñ bülletenlerni konferentsiya iştirakçileri ögünde çıqırap, reylerni sayladılar.

Reylerniñ çoqusını №1 Novoalekseyevka mektebiniñ müdiri, 20 yıl devamında qırımtatar tilini ögretken Lenur Lümanov qazandı.

Öz çıqışnıda Herson vilâyetiniñ regional meclisiniñ yañı saylanğan reisi Lenur Lümanov Qırımnıñ Ukrainanıñ uquqiy alanına qaytarılması, qırımtatar tili ve medeniyetiniñ saqlanılması ve inkişaf ile bağlı esas meselelerni qayd etti.

«Bizde bir programma – tuvğan Qırımnı Ukraina devletine qaytarmaq. Bütün halqlar ile sulh ve razılıqta yaşamağa. Bunı nasıl al etecekmiz – bizde Milliy Meclis, Qurultayımız bar, yetekçileriimizge işanayıq, qoyulğan maqsat ve vazifeler becerilsin. Programmamız – Qırımnı qaytarmaq», – dey Lümanov.

Konferentsiyada Herson vilâyetiniñ regional meclisiniñ yañı erkânı sayalındı.

XS
SM
MD
LG