Link açıqlığı

Aqmescitte sentâbr 21 künü «Fes» yañı art merkezi açılacaq, mında Qırım esnafçı, usta ve ressamlarınıñ eserlerini satın almağa, ananeviy qırımtatar nağışını ögrenmege ve milliy adetlernen tanış olmağa mümkün olur.

Qırım.Aqiqatqa art merkezniñ müdiri Liana Kalafatova aytqanı kibi, qırımtatar milliy kiymi, nağış, ilvanlar, milliy timsaller ile kermamika pek mottır.

«Bugün bütün dünyada qavmiy şeyler pek mot olğanı sır degildir. Qırımtatar halq ustalarınıñ mahsulatı – istisna degil», – dey o.

Onıñ sözlerine binayen, bu kibi diger tükânlarğa köre, art merkezde aqiqaten yekâne şeyler satılacaqtır.

«Müşteri öz sevimli insanı, dostu ya da qıymetli musafirine bahşış almaq içün kelse, emin olsun – hususiy ediye, Qırımnıñ ince qoqusına, özgün medeniyetine tolu bir bahşış olur», – dey Kalafatova.

«Fes» art merkezinde ustalarnıñ dersleri keçirilecek, qırımtatar nağışı ve adetlerine ögretecekler.

XS
SM
MD
LG