Link açıqlığı

Aqmescitte işte tuvğan tilde laf etmek yasağını alğan üç qırımtatarını Rusiye İçki işler nazirliginiñ ekstremizmge qarşı idaresine çağırdılar, haber ete ATR telekanalı.

Telekanal jurnalistlerine Aqmescitniñ salonlarından birinde çalışqan berber Rustem Seitov aytqanı kibi, oña telefon etip, zenaatdaşlarından şikâyet kelgenini bildirdiler – sanki o ve işdeşleri ekstremizmnen oğraşalar.

«Tatar tilinde laf etmege aqqım yoq, bunı ekstremizm olaraq köstereler. Doğrusını aytsam, ekstremizm ne olğanını da bilmeyim. İnsanlar o qadar tecavuziy ola bile eken», – dey Seitov.

İdare hadimini oña resmiy celpnameni yollamağa rica etti, bu subetten soñ üç kün keçti, vesiqa alâ daa yoq.

Matbuat vastaları bildirgeni kibi, evel Aqmescitte berberhane müdiri hadimlerine şart qoydı: «añlayışlı tilde» laf etmege ya da bütün qırımtatarlar işten çıqarıla. Bundan soñ berber öz istegi ile işten çıqtı.

Olar prokuratura ve diger idarelerge şikâyetlerni yazdılar. Uquq qoruyıcı organlarından buña izaat yoq.

Rusiye tarafından işğal etilgen Qırımda «Qırım Cumhuriyeti Anayasasına» köre üç devlet tili bar – qırımtatar, rus ve ukrain.

XS
SM
MD
LG