Link açıqlığı

Saatnıñ esas haberi

Uquq qoruyıcı: Qırımda qırımtatar tili ocalarını tecribesiz qaldıralar


Qırımtatar halqınıñ aq-uquqlarını qorçalav komitetiniñ idarecisi, Meclis azası Eskender Bariyev dey ki, Rusiye tarafından işğal etilgen yarımada mekteplerinde qırımtatatar tili ve edebiyatı fenleri dersten tış iş olaraq sayıla, şunıñ içün Qırımtatar tili ocalarını oca tecribesiz qaldıralar.

«Qırım ocaları ve ana-babalarından kelgen malümatqa köre, Qırım mekteplerinde qırımtatar tili ögretüvini qısqarttılar. Qırımtatar tili ve edebiyatını yalıñız dersten tış vaqıtta ögrenmege mümkün, 7-8 derslerde»,– yazdı o Facebookta.

«Qırımtatar tili ve edebiyatı feni oquv planına kirsetilmegeninden sebep, qırımtatar tiliniñ ögretüvi ocalaranıñ oca tecribesine kirmey», – dep qoştı Bariyev.

İşbu malümatnıñ diger qaynaqlarından tasdiqlavı yoqtır. Qırımnıñ rusiyeli ükümetiniñ tasil nazirliginiñ izaatı da yoqtır.

Rusiye tarafından işğal etilgen Qırımda «Qırım Cumhuriyeti Anayasasına» köre üç devlet tili bar – qırımtatar, rus ve ukrain.

XS
SM
MD
LG