2016 senesi Aqmescit bücetinden şeerde içtimaiy emiyeti olğan leyhalarğa 65 mln bürle masraf etecekler. Bunı Aqmescitniñ şeer memuriyetiniñ başı Gennadiy Baharev bildirdi, haber ete şeer memuriyetiniñ matbuat hızmeti.
Baharevniñ sözlerine köre, paranı şeer cemaatçlığınıñ yardımı ile leyhalarğa tarqatacaqlar.
Aqmecit memuriyeti başınıñ muavini dey ki, 2016 senesi sport, medeniyet, şeer hocalığı ve tasil saasında 24 belediye leyhası çalışmağa başlaycaq.
Yaqında Aqmescitniñ deputat-kommunisti Stepan Kiskin şeerniñ akimiyetini şeerlilerge bergen vadelerini yerine ketirmegeninde qabaatladı.
