Qırımda satıcılardan bazıları aşayt mallarına fiyatlarnı köterip, bunı yarımada qamaçavı ile añlatalar, dedi Qırım baş naziri muavini Ruslan Balbek ve bu sebepten iş adamlarını «ciddiy cezalandırmağa» vade etti.
Qırımnıñ rusiyeli akimiyetine yaqın olğan «Krıminform» saytı bildirgeni kibi, Balbek iş adamlarını erzaq fiyatlarınıñ köterilmesinden olacaq mesüliуet aqqında tenbiyeledi.
«Qırım daa blok etilmegen, etilecegi de daa tam belli degil, amma satıcılar endi «altın» sebzelerni sata! İş adamlarını tenbiyeleyim: bu kibi areketler ciddiy sürette cezalandırılacaq», – dedi Balbek.
Qırımtatarlar sentâbr 20 künü, üylede, Rusiye tarafından işğal etilgen Qırımğa mahsulatnı ketirgen yük maşinalarınıñ areketini blok etecek olalar.
