Link açıqlığı

Ukraina havfsızlıq hızmeti (SBU )memleket territoriyasına İtaliyanıñ sabıq baş naziri Silvio Berlusconige kirişni yasaqladı.

Bunı Qırım.Aqiqatqa SBU spikeri Yelena Gitlânskaya bildirdi.

Onıñ sözlerine köre, Silvio Berlusconi içün kiriş üç yılğa yasaq etildi.

Bildirilgeni kibi, sentâbr 11 künü Silvio Berlusconi Putinge «şahsiy ziyaretі» ile kelgendir.

Ukraina Tış işler nazirligi vaqıtnca işğal etilgen Qırım Muhtar Cumhuriyeti ve Aqyar şeeriniñ Rusiye prezidenti Vladimir Putin ve İtaliyanıñ sabıq baş naziri Silvio Berlusconi tarafından etilgen ziyaretini takbih etti.

Kiyevde deyler ki, bu ziyaret ukrain tarafınıñ izni olmadan ve Ukrainanıñ işğal etilgen toprağına kiriş-çıqış qaideleriniñ bouzuluvı ile keçirile.

Berlusconi SBU qararını daa izaatlamadı.

XS
SM
MD
LG