Link açıqlığı

Saatnıñ esas haberi

Qamaçavdan Qırımda sebze paalılaşır, ukrain fermacıları zarar körer – «Qırım ticaretine yardım» birliginiñ başı


Qırımtatarlarnıñ yetekçileri tarafından ilân etilgen Qırımnıñ «erzaq qamaçavı»ndan yarımada sakinleri içün sebzeler paalılaşır, Herson ve Nikоlауev vilâyetleriniñ istisalcıları içün menfiy aqibeti olur. Bunı Qırım.Aqiqatqa «Qırım ticaretine yardım» birliginiñ başı Sergey Makeyev bildirdi.

«Problemler yalıñız tez bozulğan mahsulat ile ola bile edi, çünki parom keçiti bazıda furtunalardan sebep çalışmay tura. Amma üç künden ziyade olmay. Eali içün ciddiy aqibetlerni körmeyim. Herson ve Nikolayev vilâyetleriniñ istisalcılarına ve sebzelerge zarar olur», – dey Sergey Makeyev.

Fikrine köre, yarımada sakinlerini sebze ile Kuban teminley bile.

«Qartop biraz paalılaşır, belki, çünki uzaqtan ketirilecek, amma Kuban de uzaq degil, mında da о çoqtır», – qayd etti o.

«Qırım ticaretine yardım» birliginiñ başı aytqanı kibi, bugün Qırımnıñ raflarında biraz ukrain malı bardır.

«Sebze – yarısından çoq, ukrain eti – bir 30%. Ukrain mahsulatı biraz bar, süt mahsulatı, şu sıradan», – dey Sergey Makeyev.

Qırımtatar Milliy Meclisiniñ reisi, Ukraina Yuqarı Şurasınıñ deputatı Refat Çubarov sentâbr 16 künü parlament toplaşuvında bildirgeni kibi, qırımtatarlar sentâbr 20 künü, üylede, Rusiye tarafından işğal etilgen Qırımğa mahsulatnı ketirgen yük maşinalarınıñ areketini blok etmek niyetindeler.

XS
SM
MD
LG