Aqmescitte Cuma-Сami içün cyılığan qaburçaq taşını şeer civarına, Aq-Meçet qasabasına, diger tapınma yeriniñ qurucılığına ketireler.
Bunı Qırım musulmanları diniy idaresiniñ matbuat hızmeti bildire.
«Sentâbr 17 künü, Aqmescitte Cuma caminiñ qurucılığına ayırılğan Yaltinskaya soqağı, 22 adresi boyunca topraq damartısında Qırımda esas musulman ibadethanesiniñ quruluvı içün territoriyanı azırlamağa başladılar. Topraqnı mında 2008 senesi bütünqırım aktsiyası çerçivesinde ketirilgen qaburçaq taşından temizlemege başladılar», – denile beyanatta.
Leyha müellifleri aytqanı kibi, ibadethaneniñ qurucılığında demir-beton inşaatı qullanılacaq, şunıñ içün qaburçaq taşını Qırımda diger camilerniñ qurucılığında qullanacaqlar. Böyleliknen, taşlar ile birinci yük maşinası Aqmescitniñ Aq-Meçet qasabasında «Aşağı cami»niñ qurucılığına yollanıldı.
Bıltır noyabr ayında Cuma cami qurulacaq yerni endi çöplükten temizlegen ediler. O vaqıt Qırım müftisi hacı Emirali Ablayev Qırımnıñ rusiyeli akimiyetinden caminiñ qurucılığına izin berilecegine ümüdini bildirgen edi.
2011 senesi Qırımda Vasiliy Cartı baş nazir olğan vaqıtta Aqmescitte Yaltinskaya soqağı, 22 adresi boyunca Cami-Caminiñ qurucılığına kapsula qoyğan ediler.
