Link açıqlığı

Qırmınıñ rusiyeli başı Sergey Aksenov qırımtatarlarnıñ ilân etken yarımadanıñ «mal qamaçavı» «yıllarce qurulğan alâqalarnı» bozğanını tüşüne.

Bunı o Facebookta yazdı.

«Qırımnıñ naqliyat qamaçavı – Rusiye ve Ukraina arasında alâqalarnı bozmaq içün yapılğan arekettir… Ayrı insanlarnıñ bu kibi numayışı ve iradesinden sebep yıllar devamında qurulğan alâqalar bozulğanına pek yazıqsınam», – yazdı o.

Aksenovnıñ fikrine köre, Qırımğa Ukrainadan kelgen yollarnıñ qapatılması «qomşu memleket sakinleri arasında büyük manialarnı meydanğa ketire».

Qırımnıñ ruiseli başı dey ki, yarımada qamaçavından Qırımda «mahsulatını satmaq imkâniyetini coyğan» ukrainler zarar körer. Aksenov emindir, «sıñırdaş» territoriyalarnıñ sakinlerine de zarar olacaqtır

Dey ki, «ukrain siyasetçileriniñ tüşünmeden alınğan qararları» yarımada inkişafına tesir etmez.

Hatırlatamız, qırımtatarlarnıñ yetekçileri Qırım ile memuriy sıñırnı blok etip, işğalci yarımadağa ukrain malınıñ ketirilmesini toqtatmaq niyetindeler. Qırımtatar halqınıñ milliy yetekçisi Mustafa Cemilev aytqanı kibi, «Ukraina Qırmınıñ işğalci rejimini temin etmemeli».

Qırımnıñ rusiyeli başı Sergey Aksenov yarımada qıtaiy Ukrainadan malnıñ ketirilmemesine bütünley azır olğanını bildirdi. Bu mevzuda «iç te qorqu olmağanını» da qayd etti.

Qırımtatar Milliy Meclisiniñ reisi, Ukraina Yuqarı Şurasınıñ deputatı Refat Çubarov sentâbr 16 künü parlament toplaşuvında bildirgeni kibi, qırımtatarlar sentâbr 20 künü, üylede, Rusiye tarafından işğal etilgen Qırımğa mahsulatnı ketirgen yük maşinalarınıñ areketini blok etmek niyetindeler.

Ekspertler Qırımğa ukrain malınıñ ketirilmemesi ile bağlı aktsiyanı – qaparcılıqqa cevap olaraq adladılar. Ukrainanıñ icraiy akimiyeti ve prezidenti Petro Poroşenko qırımtatarlarnı Qırım ile memuriy sıñırnıñ qamaçavı ile bağlı niyetlerini izaatlamaylar.

XS
SM
MD
LG