Link açıqlığı

Saatnıñ esas haberi

Qırım qamaçavı aqqında qarar umumiy olmalı – cemaatçı


Qırım qamaçavınıñ kirsetilmesi aqqında qarar Qırım meselelеri ile oğraşqan bütün teşkilâtlar tarafından alınmalı – cemaat teşkilâtlarından başlap akimiyet teşkilâtlarına qadar, dep tüşüne «Ukrayinskıy dim» Qırım emek ve medeniy işbirlik merkezi»niñ reisi Andrey Şçekun.

Bunı o Qırım.Aqiqatqa bildirdi.

«Fikrim: Qırımtatar Milliy Meclisi, Qırımdan mecburen köçip kelgenlreniñ şurası, Qırım qaytarılmasınıñ strategiyasını işlep çıqarğan Tış işler maydanı ve digerleri bir qayıqta olmalı. Oturıp, birlikte mehanizmlerni, areket planını işlep çıqarmaq kerekmiz. Ayrı-ayrı areket etip, başqalarnı soñ bu ya da diger qararğa qoşulmağa çağırmamalımız», – dey Şçekun.

Evel cemaatçı Qırım Muhtar Cumhuriyeti ve Aqyar meseleleri boyunca Ukraina Delvеt hızmetini Qırım qamaçavına qıymet kesmege çağırğan edi.

Hatırlatamız, qırımtatarlarnıñ yetekçileri Qırım ile memuriy sıñırnı blok etip, işğalci yarımadağa ukrain malınıñ ketirilmesini toqtatmaq niyetindeler. Qırımtatar halqınıñ milliy yetekçisi Mustafa Cemilev aytqanı kibi, «Ukraina Qırmınıñ işğalci rejimini temin etmemeli».

Qırımnıñ rusiyeli başı Sergey Aksenov yarımada qıtaiy Ukrainadan malnıñ ketirilmemesine bütünley azır olğanını bildirdi. Bu mevzuda «iç te qorqu olmağanını» da qayd etti.

Qırımtatar Milliy Meclisiniñ reisi, Ukraina Yuqarı Şurasınıñ deputatı Refat Çubarov sentâbr 16 künü parlament toplaşuvında bildirgeni kibi, qırımtatarlar sentâbr 20 künü, üylede, Rusiye tarafından işğal etilgen Qırımğa mahsulatnı ketirgen yük maşinalarınıñ areketini blok etmek niyetindeler

XS
SM
MD
LG