Link açıqlığı

Saatnıñ esas haberi

Cemilev Filippinı ve Avstraliyada Qırımda qırımtatarlarnıñ vaziyeti aqqında tarif etecek


Ukraina prezidentiniñ qırımtatarlarnıñ işlerinden vekâletlisi Mustafa Cemilev noyabr ayında Filippinı ve Avstraliyanı ziyaret etecek ola.

«Şu cümleden, ziyaret vaqtında Canberra, Sydney, Melbournede körüşüvlerni keçirmege planlaştırıla», – dep bildire Ukraina prezidentiniñ qırımtatarlarnıñ işlerinden vekâletlisiniñ matbuat hızmeti. Qırımtatarlarnıñ yetekçisi ziyaret azırlığı çerçivesinde Ukrainada Avstraliya elçisi Duglasom Trapett ile körüşti.

«Qırımnıñ işğalden azat etilmesi içün medeniy dünyanı Ukraina ve qırımtatarlarğa qarşı Rusiyeniñ qanunsız areketleri aqqında haber etmege – bizim borcumızdır», – denile beyanatta.

Qırımtatarlar Qırım meselesiniñ zorbalıqsız çezilmesiniñ tarafdarıdır, dedi Ukraina prezidentiniñ qırımtatar halqınıñ işlerinden vekâletlisi Mustafa Cemilev Avropa birliginiñ 28 elçisi ile körüşüvde.

Körüşüvde Cemilev «Qırımda milletlerara ayırım meydanğa ketirilgeni» aqqında tarif etti, haber ete sentâbr 16 künü vekâletliniñ matbuat hızmeti.

Cemilev Qırım Rusiye tarafından işğal etilgeninden soñ qırımtatarlarnıñ evleri, cami ve mekteplerinde Rusiye mahsus hızmetleri bir 160 tintüv keçirgeni aqqında bildirdi.

Qırım Rusiye tarafından 2014 senesi fevral 20 künü işğal etildi. Ukraina Yuqarı Şurası yarımadanıñ muvaqqat işğali aynı şu künü başlanğanını bildirе.

XS
SM
MD
LG