Link açıqlığı

Herson vilâyetiniñ akimiyeti Qırımnıñ «erzaq qamaçavı» boyunca aktsiyanıñ keçirilmesine azırlana. Geniçesk rayon şeer devlet memuriyetiniñ başı Aleksandr Vorobyev aytqanı kibi, faallerge artistler çıqışta bulunacaq sana ve çadırlar içün mahsus bir territoriyanı ayıracaqlar, haber ete Geniçeskniñ «Novıy vizit» haber portalı.

«Aktsiya iştirakçileri içün territoriya berilecek, sana qoyulacaq, artistler ketirilecektir. Ukrainlerni ğamğa daldırmaycaq bir müit yaratılacaq», – dey Vorobyev.

Onıñ sözlerine köre, aktsiya bir ay sürecek. «Ukraina içün Qırım Muhtar Cumhuriyetiniñ qıymetini ögrenirmiz», – dey o.

Vorobyev dey ki, eger de faallerniñ talapları eşitilmey qalsa, «nevbette halq istimalı malları içün qamaçav yapılacaq».

Şu cümleden, rayon şeer memuriyetiniñ başı qayd etkeni kibi, qıtaiy Ukrainadan Qırımga ketirilgen ukrain mahsulatı qıtaiy Rusiyege yete.

Hatırlatamız, qırımtatarlarnıñ yetekçileri Qırım ile memuriy sıñırnı blok etip, işğalci yarımadağa ukrain malınıñ ketirilmesini toqtatmaq niyetindeler. Qırımtatar halqınıñ milliy yetekçisi Mustafa Cemilev aytqanı kibi, «Ukraina Qırmınıñ işğalci rejimini temin etmemeli».

Qırımnıñ rusiyeli başı Sergey Aksenov yarımada qıtaiy Ukrainadan malnıñ ketirilmemesine bütünley azır olğanını bildirdi. Bu mevzuda «iç te qorqu olmağanını» da qayd etti.

Aktsiyağa qoşulmaq niyetini «Pravıy sektor» teşkilâtınıñ azaları endi bildirdiler.

Qırımtatar Milliy Meclisiniñ reisi, Ukraina Yuqarı Şurasınıñ deputatı Refat Çubarov sentâbr 16 künü parlament toplaşuvında bildirgeni kibi, qırımtatarlar sentâbr 20 künü, üylede, Rusiye tarafından işğal etilgen Qırımğa mahsulatnı ketirgen yük maşinalarınıñ areketini blok etmek niyetindeler.

XS
SM
MD
LG