Link açıqlığı

Avakovnıñ keñeşçisi «Ukraina vatandaşı» olaraq Qırımnıñ «erzaq qamaçavı»na qol tuta


Ukraina Tış işler naziriniñ keñeşçisi Zorân Şkirâk «Ukraina vatandaşı ve vatanperveri olaraq Qırımnıñ iqtisadiy ve ticariy qamaçavı boyunca qırımtatarlarnıñ aktsiyasına qol tutqanını» bildirdi.

Bu aqta o öz Facebook saifesinde yaza.

«Vatandaşlarımız qanunsız sürette FSB divarlarında yatqanda, yarımadada vicdansız siyasiy ayırımlar, qırımtatarlarnıñ, ukrain vatanperverleriniñ ğayıp oluvı, öldürüvleri devam etken vaqtında Rusiye işğalcilerini aşatmağa aqqımız yoq. Kreml zulumı altında olğan qırımtatar halqı ve Ukraina vatandaşları ile berabermiz, beraber edik ve olacaqmız», – yazdı Şkirâk.

Hatırlatamız, qırımtatarlarnıñ yetekçileri Qırım ile memuriy sıñırnı blok etip, işğalci yarımadağa ukrain malınıñ ketirilmesini toqtatmaq niyetindeler. Qırımtatar halqınıñ milliy yetekçisi Mustafa Cemilev aytqanı kibi, «Ukraina Qırmınıñ işğalci rejimini temin etmemeli»

Yaqında Meclis başı Refat Çubarov Qırım ile memuriy sıñır Hersonda sentâbr 20-21 künleri qapatılacağını bildirgen edi.

Qırımnıñ rusiyeli başı Sergey Aksenov yarımada qıtaiy Ukrainadan malnıñ ketirilmemesine bütünley azır olğanını bildirdi. Bu mevzuda «iç te qorqu olmağanını» da qayd etti.

XS
SM
MD
LG