Link açıqlığı

«Pravıy sektor» milliy-azatlıq areketi Qırımtatar Milliy Meclisi tarafındаn ilân etilgen Qırım qamaçavına qoşulmaq niyetindedir.

Bu aqta teşkilâtnıñ salı künü aşkâr etilgen beyanatında aytıla.

«Qırım qamaçavını ekili uruv olaraq tanıymız – Moskva menfaatına darbe ve Ukrainada üküm sürgen satqınlıq sistemasına uruv», – denile «Pravıy sektor»nıñ beyanatında.

«Qırımnıñ azat etilmesi, Donbassnıñ işğal etilgeni territoriyalarnıñ azat etilmesi kibi, işğalciler ile silâlı küreşsiz olamaz, bunı yahşı añlaymız. Böyle küreşni yalıñız strategik maqsadımıznıñ amelge keçirilmesi ile alıp barmağa mümkün – işğal rejiminiñ yoq etilmesi ve tam devletçilikniñ olması ile», – deyler teşkilâtta.

Hatırlatamız, qırımtatarlarnıñ yetekçileri Qırım ile memuriy sıñırnı blok etip, işğalci yarımadağa ukrain malınıñ ketirilmesini toqtatmaq niyetindeler. Qırımtatar halqınıñ milliy yetekçisi Mustafa Cemilev aytqanı kibi, «Ukraina Qırmınıñ işğalci rejimini temin etmemeli»

Yaqında Meclis başı Refat Çubarov Qırım ile memuriy sıñır Hersonda sentâbr 20-21 künleri qapatılacağını bildirgen edi.

XS
SM
MD
LG