Link açıqlığı

AB-Cenübiy Koreya eki taraflama sammitinde Avropa birliginiñ başı Donald Tusk BMT Baş assambleyasında rey berüv vaqtında Qırım işğalini takbih etken Koreya Cumhuriyeti prezidenti Pak Kın Hege minnetdarlığını bildirdi.

Ukrinform bildirgeni kibi, körüşüvde taraflar Minsk añlaşmalarınıñ amelge keçirilmek kerekligini qayd ettiler.

«Rusiye tarafından Qırım işğali takbih etilgen BMT Baş assambleyasınıñ beyannamesine qoşulğan Koreyağa minnetdarlığımnı bildirdim», – dedi Avropa yetekçisi.

Tusk şunı da qayd etti ki, AB ve Koreya Minsk añlaşmalarına ziddiyetniñ bütün tarafları riayet etmeli.

«Rusiyege de ait, şu cümleden», – qayd etti Avropa şurasınıñ prezidenti.
Salı künü, sentâbr 15-de, Seulda Avropa birligi-Cenübiy Koreya eki taraflama sammiti keçe.

XS
SM
MD
LG