Rusiye prezidenti Vladimir Putin ükümetke 2014 senesi mart ayından Rusiye Federatsiyası tarafından işğal etilgen Qırım yollarınıñ tamiri ve qurucılığına aqça ayırıluvını tezleştirmege avale etti.
Sentâbr 15 künü Kreml saytında aşkâr etilgen vesiqada yazılğanı kibi, Putin noyabr 1 kününe qadar yapılğan iş aqqında esabatnı azırlamağa emir etti.
Qırımda yollarnıñ tamiri boyunca miqyaslı işler Kefe yolunda başlandı. Buña Rusiye Federatsiyasınıñ baş naziri Dmitriy Medvedevniñ Qırım işlerinden Rusiye Federatsiyasınıñ nazirligine, Rusiyeniñ Naqliyat nazirligine ve Qırımnıñ rusiyeli ükümetine yarımadada yol tamirini tezleştirmege avalesinden soñ başladılar
