Link açıqlığı

Uquq qoruycılar «qırımlılarnı ukrain akimiyetinden qorçalamağa» mecbur olğanını bildireler


Uquq qoruydıjılar ukrain memurlarını Qırımdan köçip kelgenlerge nisbeten siyasetni deñiştirmege rica eteler. Uquq qoruyıcı teşkilâtlarnıñ temsilcileri Kiyevde sentâbr 15-de keçirilgen matbuat konferentsiyasında bildirgeni kibi, «Rusiye Federatsiyasınıñ işğalci akimiyeti ile küreşmek yerinde olar qırımlılarnı ukrain akimiyetinden qorçalamağa mecburlar», haber ete Qırım.Aqiqat mühbiri.

Böyle bildirüvlerni uquqçılar qırımlılar Ukrainada bu memleketniñ rezidentleri olaraq tanılmağanı vaqtında seslendireler.

«Esas vazifemiz – qırımlılarnı Rusiye Federatsiyası tarafından yapılğan bozuluvlardan qurtarmaq. Yazıq ki, bugün küçümizni ukrainlerni ukrain akimiyetinden qorçalamaq içün sarf etemiz. Fikrimizge köre, doğru degil, çünki bizde ukrainlerni işğalci akimiyet (Qırımda – QA) ve Rusiye Federatsiyasınıñ akimiyeti areketlerinden qorçalamaq içün küçümiz bar», – dedi insan aqları boyunca ukrain regional merkeziniñ eksperti Roman Martınovskiy.

Bundan evel uquq qoruyıcılar ukrain bankları qırımlılarnı rezident olaraq tanımağa istemegenini bildirgen ediler.

XS
SM
MD
LG