Link açıqlığı

Saatnıñ esas haberi

Ukraina Yuqarı Şurasında Qırım işğaliniñ başlanuv tarihını belgileycek olalar


Salı künü, sentâbr 15-de, Ukraina Yuqarı Şurası Rusiye tarafından Qırım işğaliniñ tam tarihını belgileycek qanun leyhasını baqmaq içün toplaştı.

İşbu sual toplaşuvnıñ kün tertibinde belgilengen.

Ukraina parlamentiniñ matbuat hızmeti bildirgeni kibi, sessiya salonında 299 halq deputatı qayd olundı.

Evel bildirilgeni kibi, Ukraina Nazirler kabineti Yuqarı Şurağa Qırımnıñ vaqtınca işğaliniñ başlanuv tarihını mart 27 yerinde, 2014 senesi fevral 20 künü ile belgilemege teklif etti.

2014 senesi fevralniñ soñunda martnıñ başında Rusiyeden ve Rusiye Qara deñiz flotunıñ Qırım bölüklerinden atılğan ordular Qırım yarımadasını işğal ettiler.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.

XS
SM
MD
LG