Çubarov Ukraina Nazirlеr kabineti yanındaki Qırım ve Aqyar meseleleri boyunca Devlet hızmetiniñ işinden memnün degildir.
Bunı o RBK-Ukrainağa bildirdi.
«O (Devlet hızmeti – QA) yoq desek de olur. Yolbaşçısı bar – oldı. Yaqında hızmet aqqında qarar alındı», – dey Meclis reisi.
Çubarovnıñ fikrine köre, mesele hızmetniñ strukturasında degil, «Qırım boyunca ükümet programmasınıñ yoq olğanındadır».
«Nazir, yolbaşçılarnıñ çoqusı, fikrime köre, Ukrainanıñ bir qısmı işğal etilgeninden sebep bam-başqace çalışmaq kerekligimizni añlamay. Menimce, olardan bazıları bu territoriyalarnıñ olmağanından memnün qalır edi», – qayd ete Çubarov.
Sentâbr başında Ukraina Nazirler kabinetinde QMC ve Aqyar meseleleri boyunca vekâletli şahıs vazifesi peyda oldı, onı evel Qırım meselelerinden Devlet hızmetiniñ başı olğan Aslan Ömer Kırımlı eda ete. Onıñ yerine Kiyevde Qırımtatar cemiyetiniñ reisi Nariman Ustayev keçti.
