Sentâbr 13 künü keçken Qırımnıñ rusiyeli Devlet şurası deputatlarınıñ qoşma saylavlarında «Yedinaya Rossiya» firqasınıñ namzetleri ğalebe qazandı. Bu kibi qarar Qırımnıñ saylav komissiyasınıñ sentâbr 14 künü keçirilgen toplaşuvında alındı.
«Argumentı i faktı» «Spravedlivaya Rossiya» fikrqasınıñ namzeti Aleksandr Yüryevge esaslanıp bildirgeni kibi, saylayıcılarnıñ tek 20% kelgendir.
Evel Qırım.Aqiqat qayd etkenine köre, qoşma saylavlardan evel eki kere «Spravedlivaya Rossiya» firqasınıñ ofisini abrap ketken ediler.
Hatırlatamız, 2015 senesi sentâbr 13 künü Rusiye Federatsiyasında federatsiya subyektleriniñ başları ve Rusiye subyektlerinde devlet akimiyetiniñ qanun çıqarıcı organlarınıñ deputatlarını sayladılar. Aynı şu künü işğal etilgen Qırımda da saylavlar keçirildi.
