«Оrenburg ava yolları» şirketi Moskvadan Aqmescitke qoşma ava seferlerini açtı. Şirketniñ matbuat hızmeti bildirgeni kibi, qoşma seferler sentâbr 21 künü kirsetilecek.
Ava şirketiniñ saytında bildirilgeni kibi, Moskva-Aqmescit marşrutı boyunca seferler er kün keçirilecek.
Uçuşlar oktâbr 30-na qadar Boeing 737-800 uçağında yapılacaq.
Bildirilgeni kibi, «Оrenburg ava yolları» Avropa birligi sanktsiyalarına oğrağan «Dobrolöt» ava şirketi yolcularınıñ taşuvı boyunca mecburiyetni özüne aldı. 2014 senesi sentâbr 17-dan Moskva-Aqmescit-Moskva marşrutı boyunca uçuşlarnı keçire.
2014 senesi mart ayında Rusiye yarımadanı işğal etken soñ Qırım ava limanları Ukraina ükümetiniñ qararı ile qapatıldı. Anda kerçekleştirilgen ava seferleri Ukraina qanunlarını ve halqara qaidelerni bozmaqta, böylece ava şirketleri Ukraina ve ICAO halqara cezalarına oğray bile.
Al-azırda yalıñız Rusiye ava şirketleri Qırımğa uçaq seferlerini kerçekleştire.
