Ukraina prezidenti Petro Poroşenko devlet başı saytında buña 30 000 rey berilgenini köz ögüne alıp, Miheil Saakaşvilini baş nazir vazifesine tayin etmek imkâniyetini izaatladı.
«Yahşı bir baş nazir olur. Gürcistan içün. Memleketimiz aqqında aytsaq, ükümetimiz endi bar», – dedi Poroşenko Die Welt alman neşirine.
Ukraina prezidentiniñ saytında Gürcistannıñ sabıq prezidenti, şimdi – Odessa vilâyet şeer memuriyetiniñ reisi Miheil Saakaşvilige qol tutuv petitsiyası 31505 imzanı topladı. Teşebbüske 25 000 ziyade insan qol tutqanından sebep onı prezident baqmalıdır.
