Qırımtatar Milliy Meclisiniñ reisi, Ukraina Yuqarı Şurasınıñ deputatı Refat Çubarov faallerniñ Qırım ile memuriy sıñırnıñ qapatıluvı aqqında planlarını tasdiqlay.
«20, ya da 21-de sıñırnı (Herson vilâyeti ve Qırım Muhtar Cumhuriyeti arasında memuriy sıñırnı – QA) qapatamız. Bu qararnı qabul ettik», – dep bildirdi o Ukraina parlamenti komitetleriniñ yolbaşçıları ve parlament firqalarınıñ yetekçileriniñ şurasında, haber ete Qırım.Aqiqat.
Çubarovnıñ sözlerine köre, aktsiya «yalıñız Rusiye akimiyetiniñ yarımadada yaşağan qırımtatarlarğa yapqan basqısı sebebinden degil de, ukrain ükümetiniñ muvafaqiyetsiz areketlerinden de sebep» keçirile.
Hatırlatamız, qırımtatarlarnıñ yetekçileri Qırım ile memuriy sıñırnı blok etip, işğalci yarımadağa ukrain malınıñ ketirilmesini toqtatmaq niyetindeler. Qırımtatar halqınıñ milliy yetekçisi Mustafa Cemilev aytqanı kibi, «Ukraina Qırmınıñ işğalci rejimini temin etmemeli».
